.......................................
هيضني البحر وامواجه تصافق
...................والشاطي الي عانقه بالرمالي
والريح ذي هبت لها صوت خارق
....................تداعب الامواج ريح الشمالي
وفي جوه الساحر غيومه تعانق
.....................ترسم لناصوره بواقع خيالي
تحكي لنا قصة محبة وعاشق
.....................اتقابلوا بعد السنين الطوالي
وتشكل البسمه لشوع البوارق
............ودمع الفرح من دور مزن المخالي
لوحه تهيض كل عاشق مفارق
....................تعيد له ذكرى وشوق الليالي
مشتاق لك يابعد روحي وضايق
..............ومن زود شوقي لك احاتي خيالي
واشوف كلن مع حبيبته رايق
...............وانا على الكرنيش جالس لحالي
رسمت لك قلبي على الشط غارق
.............ونضمت لك شعري ولا ني بسالي
كي تذكرين ايام مرت تسابق
.................عشنا بها احلى ليال الوصالي
نفس المكان ولو في الوقت فارق
....................الصوره الاولى تكرر قبالي
وارسلتها ذكرى بمضروف حارق
...............تنبيك عن حالي وعن ماجرالي
كلمات ابو بدر الدهمي
الجمعة سبتمبر 26, 2008 9:12 am